2017年4月27日 星期四

4月投資決定回顧

在復活節假期前,我在blog中提到夢想組合在今年已經超過15%回報(連股息),這是我個人對此組合的每年目標。今年能在4月份已達標,實在有賴大市上升,投資氣氛向好,並且有不少企業交出亮麗的成績表。本想在復活節想想策略,確保回報能保持到年底,怎料家庭活動太精彩,真係要暫時放低投資先。

我經常提醒自己,不要做錯決定,如果太難,就不要做錯大決定,因為一個大錯足以抵消無數的成功,同樣,小錯累積亦可致命。復活節後的投資決定比較多,包括

1. 沽出金利來($3.3)和貿易通($1.6),主要因為減派息而且睇完年報覺得無咩太大發展。
2. 沽出創科實業($33.3),若有睇開此blog, 就知我2月中才買入,當時認為它的負面因素過份反應。沒想到持股短短兩個多月,升咗20%,PE快到20倍(過往都是20倍左右見頂),唔好太搏沽咗先。
3. 買入利亞零售($4.2),詳情可看前一篇文章。
4. 楓葉教育業績公布後,$6.3追入,詳細唔講,blogger 80後標竿兄已分析得很好。

經過以上行動,組合現金由3%增加至8%。組合2017回報暫已超過18%,10大持股不變,會考慮沽出部份股票將組合現金增加至20%,並會等待機會買入恒指反向ETF作簡單對沖。

2 則留言:

  1. 創科真係估佢唔到,咁老牌又咁大隻,都可以短期內有咁大波動。你當時揀中佢,利害利害。

    回覆刪除
    回覆
    1. 我當時買創科的期望係一年升15%(跟組合目標一樣),但可能因為負面因素消除(中美貿易戰)加上全年業績靚仔所以升得咁快。

      刪除